Montre se yonn, aprann se yon lòt

Par : Jean Berthony BLANTRISSE Yonn nan premye konpetans yon  pwofesè fèt pou li  devlope  se etabli diferans ki genyen ant ansèyman ak aprantisaj. Lè nou anseye, se nou menm ki devan kap mennen dans la, sa vle di sa kap pase nan klas la. Nou vin tounen aktè prensipal. Nou di, nou fè. Nou fè fè, nou eksplike sa nou  jwenn. Nou moutre. nou demoutre. Men gwo kesyon an se :  eske elèv yo aprann ? Aprann, se chache konprann, se obsève,  analize.  Analize,  Se aktivite kote elèv la se li k’ap mennen jwèt la, se li ki aktè prensipal sou teren an. Diferans ant moutre ak aprann ap pemèt nou mete nou nan plas elèv la. Kijan entèl fè aprann pwèzi a pa kè?  Nou pa kapab aprann nan  plas elèv la men nou ka fasilite jan li aprann. Ansèyman tradisyonèl  la chita anpil sou kesyon wè pwogram, kouvri kesyon egzamen san anseyan an pa mande tèt li si elèv la enterese, si l konprann on bagay nan  sa li kouvri nan pwogram yo. __ Jean Berthony Blantrisse Professeur français -créole, Pédagogie générale Diplômé de CFEF | Initiateur du projet CAPCAP-CEFEFIEN Mail : [email protected]